Thursday, February 8, 2007

കുസൃതിച്ചോദ്യം - 1

ചോദ്യം 1 : ( സിനില് )
ഒറ്റയ്ക്കു സംഘഗാനം പാടിയിരുന്ന ഒരാൾ, ആരാണത്?
ഉത്തരം 1 : ( അജീഷ് )
[ രാവണൻ ]



ചോദ്യം 2 : ( സിനില് )
ഏറ്റവും സുരക്ഷിതമായ ചായ (tea)?
ഉത്തരം 2 : ( വിഷ്ണു )
[ SAFETY ]



ചോദ്യം 3 : ( സിനില് )
വലിക്കും‌തോറും കുറയുന്നതെന്ത്?
ഉത്തരം 3 : ( ഡാന്റിസ് )
[ സിഗരറ്റ്‌ ]



ചോദ്യം 4 : ( ഹരീ )
പ്രായപൂര്‍ത്തിയായ ആണുങ്ങളും പെണ്ണുങ്ങളും രഹസ്യമായി ചെയ്യുന്ന പണിയെന്ത്?
ഉത്തരം 4 : ( ബൈജു )
[ വോട്ട് ]



ചോദ്യം 5 : ( ബൈജു )
പിറകിൽ നിന്നും ആരെങ്കിലും വിളിച്ചാൽ നാം തിരിഞ്ഞുനോക്കുതിന് കാരണമെന്ത് ?
ഉത്തരം 5 : ( സ്മിത )
[ പുറകില്‍ കണ്ണില്ലാത്തതു കൊണ്ട് ]



ചോദ്യം 6 : ( ബൈജു )
മലയാളത്തിൽ തവളയെപ്പറ്റിയുള്ള ഒരു സിനിമാ ഗാനമുണ്ട്, ഏതാണത്
ഉത്തരം 6 : ( രാകേഷ് )
[ "കാട്ടിലെ പാഴ്മുളം തണ്ടില്‍‍ നിന്നും
പാട്ടിന്റെ പാലാഴി തീര്‍
തവളെ......
"
]



ചോദ്യം 7 : ( ബൈജു )
ഇന്ത്യൻ ക്രിക്കറ്റർ ഗാംഗുലിയെ കുറിച്ചുമുണ്ട് ഒരു മലയാളസിനിമാഗാനം .. ഏതാണെന്നറിയാമോ ?
ഉത്തരം 7 : ( സിനില് )
[ "താവ ഗാംഗുലി ലാളനങ്ങളിൽ അർദ്രമായ് മാനസം!!!

എന്തിനു വേരൊരു സൂര്യൊദയം -- മഴയെത്തും‌മുൻപേ "
]



ചോദ്യം 8 : ( ബൈജു )
"ഹനുമാൻ മുദ്രാമോതിരവുമായി സീതയുടെ അടുത്തേക്ക് പോകും വഴി ഇടയ്ക്ക് മുഖമൊന്നു കഴുകാനിറങ്ങിയപ്പോൾ മുദ്രാമോതിരം വെള്ളത്തിൽ വീണു.. മുങ്ങിത്തപ്പി എടുത്തപ്പോൾ ഒരേ പോലുള്ള രണ്ടുമോതിരം കിട്ടി. ആകെ ആശയക്കുഴപ്പത്തിലായ ഹനുമാൻ അപ്പോൾ ഒരു പാട്ടുപാടി. ഏതാണത് ?

"

ഉത്തരം 8 : ( ബിന്ധ്യാ )
[ കണ്ഫ്യൂഷന് തീറ്ക്കണമേ ]



ചോദ്യം 9 : ( ബൈജു )
മീനെ പിടിച്ച് കരക്കിട്ടാൽ എന്തുപറ്റും?
ഉത്തരം 9 : ( ബിന്ധ്യാ )
[ മണ്ണ് പറ്റും ]



ചോദ്യം 10 : ( ബിന്ധ്യാ )
ഇന്ത്യയില് നിന്നും ആദ്യമായി ഇന്ത്യക്കു പുറത്തുപോയ വനിതയാര്? ആരുടെ കൂടെ?ഏത് രാജ്യത്ത്?
ഉത്തരം 10 : ( ഹരീ )
[ "സീത, ലങ്കയിലേക്കാണ് പോയത്...
രാവണന്റെ കൂടെ.."
]



ചോദ്യം 11 : ( ബിന്ധ്യാ )
ഒരാനയെ എങ്ങനെ ഫ്രിഡ്ജില് വയ്ക്കാം?
ഉത്തരം 11 : ( അജീഷ് )
[ "ആനയെ എടുക്കുക...
ഫിഡ്ജ് തുറക്കുക...
ആനയെ അകത്തു വയ്‌ക്കുക...... "
]



ചോദ്യം 12 : ( ബിന്ധ്യാ )
പാമ്പുകള്‍ക്ക് ഇഷ്ടമുള്ള മുണ്ട് ഏതാണ്‍?
ഉത്തരം 12 : ( ബൈജു )
[ പാമ്പുകൾക്ക് മാളമുണ്ട് ]



ചോദ്യം 13 : ( ബൈജു )
"എറണാകുളത്തുനിന്നും ഒരു ഡോക്‌ടറും നഴ്‌സും കൂടി ഒരു ടെയിനിൽ കയറി തിരുവനന്തപുരത്തേക്ക് യാത്രയായി. അവർ കയറിയത് ഒരു ഒഴിഞ്ഞ കമ്പാർട്ടുമെന്റിൽ ആയിരുന്നു. തിരുവനന്തപുരത്തെത്തുന്നതുവരെ ആ കമ്പാർട്ടുമെന്റിൽ വേറെ ആരും കയറിയതുമില്ല. പക്ഷെ, തിരുവനന്തപുരത്തെത്തിയപ്പോൾ അവരുടെ കൂടെ ഒരു ചോരക്കുഞ്ഞും ഉണ്ടായിരുന്നു..! ഡോക്‌ടർ കുഞ്ഞിന്റെ അച്ഛനുമല്ല, നേഴ്‌സ് കുഞ്ഞിന്റെ അമ്മയുമല്ല..!! അപ്പോൾ കുഞ്ഞ് ആരുടെ..?
"

ഉത്തരം 13 : ( ബിന്ധ്യാ )
[ ഡോക്ടറ് ഒരു വനിതയാണ്. നേഴ്സ് ഒരു പുരുഷനും ]



ചോദ്യം 14 : ( ഹരീ )
"ഒരു ദിവസം പെട്ടെന്ന് വീട്ടിലോട്ടു കയറുകയായിരുന്നു നിങ്ങള്‍. അപ്പോള്‍ നിങ്ങളുടെ പെങ്ങള്‍ (പെങ്ങളില്ലാത്തവര് ഉണ്ടെന്നു വിചാരിക്കുക, പെണ്‍കുട്ടികള്‍ ആങ്ങളയെന്നു വായിക്കുക) ഒരു തുണിപോലുമുടുക്കാതെ നില്‍ക്കുന്നു. നിങ്ങളെന്തു ചെയ്യും?
"

ഉത്തരം 14 : ( ബിന്ധ്യാ )
[ വാരിയെടുത്ത് ഉമ്മ വയ്ക്കും, കാരണം അവള് കൊച്ചുകുട്ടിയാണ്. ]



ചോദ്യം 15 : ( ബിന്ധ്യാ )
ഒരു കാട്ടില്‍ സിംഹം മീറ്റിങ്ങ് കൂടി. എല്ലാരും വന്നു, പക്ഷെ ഒരാള്‍ മാത്രം വന്നില്ല്. ആര്‍?
ഉത്തരം 15 : ( എബി )
[ ആന... കാരണം ആന ഫ്രിഡ്ജിനജത്തല്ലേ? ]



ചോദ്യം 16 : ( എബി )
മനുഷ്യന്‍ ഒറ്റക്കാലില്‍ നില്‍ക്കുന്നതെപ്പൊഴാണ്‌?
ഉത്തരം 16 : ( ബൈജു )
[ പാന്റ്റിടുമ്പോള് ]



ചോദ്യം 17 : ( എബി )
വരുമ്പോള്‍ പൊങ്ങും പോകുമ്പൊള്‍ താഴും എന്താണ്‌?
ഉത്തരം 17 : ( എബി )
[ ചെക്കപ്പോസ്റ്റ് ]



ചോദ്യം 18 : ( എബി )
ഷാരൂക്‌ ഖാന്‍ ഒരു പക്കാ കോയിക്കോടുകാരനായി ഒരു പാട്ട്‌ പാടുന്നുണ്ട്‌, ഏതു പാട്ടാണത്‌?
ഉത്തരം 18 : ( ബൈജു )
[ ♪ കോയീ മിൽ ഗയാ ... ♪ ]



ചോദ്യം 19 : ( ബിന്ധ്യാ )
ഒരു വലിയ പുഴ, എനിക്ക് അക്കരെ പോകണം , പക്ഷെ, പുഴയില് നിറയെ മുതലകളാണ് , വള്ളവും ഇല്ല, ഞാന് എങ്ങനെ അക്കരയ്ക്ക് പോകും?
ഉത്തരം 19 : ( ബിന്ധ്യാ )
[ ഞാന് നീന്തി പോകും , കാരണം മുതലകളെല്ലാം സിംഹത്തിന്റെ മിറ്റിങ്ങിനു പോയിരിക്കുവല്ലേ? ]



ചോദ്യം 20 : ( ബിന്ധ്യാ )
ആനയും ഉറുമ്പും ഇഷ്ടമായിരുനു, അവരുടെ വീടുകാര് കല്യാണം ആലോച്ചിച്ചു, പക്ഷെ കല്യാണം നടന്നില്ല, കാരണം ഉറുമ്പിന്റെ അമ്മയ്ക്ക് ആനയെ ഇഷ്ടപ്പെട്ടില്ല, എന്താ കാരണം?
ഉത്തരം 20 : ( ബിന്ധ്യാ )
[ ആനയുടെ പല്ലു പൊങ്ങിയതായിരുന്നു ]



ചോദ്യം 21 : ( ഹരീ )
"ഒരു ‘മുട്ട’ കോണ്‍ക്രീറ്റ് തറയിലെറിയണം, പൊട്ടരുത് കേട്ടോ...
എങ്ങിനെ സാധിക്കും?"

ഉത്തരം 21 : ( എബി )
[ എറിഞ്ഞോളൂ, കോണ്‍ക്രീറ്റ്‌ പൊട്ടില്ല ]



ചോദ്യം 22 : ( ഹരീ )
ഒരിക്കലും ഒരാളും കണ്ടിട്ടില്ല, ഇന്നേവരെ ഉണ്ടായിട്ടില്ല, പക്ഷെ എന്നും അതുണ്ടാകും…
ഉത്തരം 22 : ( ഹരീ )
[ നാളെ ]



ചോദ്യം 23 : ( ബൈജു )
ആവശ്യമുള്ളവൻ വാങ്ങുന്നില്ല, വാങ്ങുന്നവൻ ഉപയോഗിക്കുന്നില്ല, ഉപയോഗിക്കുന്നവൻ അറിയുന്നില്ല.. എന്താണത് ?
ഉത്തരം 23 : ( ബിന്ധ്യാ )
[ ശവപെട്ടി ]



ചോദ്യം 24 : ( ബിന്ധ്യാ )
ഒരു നാല്‍ക്കവല, ഒരു റോഡിലൂടെ ഒരു കാറ് വന്നു, വേറൊന്നിലൂടെ ഒരു ബസ് വന്നു, ഒന്നിലൂടെ ഒരു കാളവണ്ടിയും വേറൊന്നിലൂടെ ഒരു വാനും വന്നു, എന്തു നടക്കും അവിടെ?
ഉത്തരം 24 : ( ബൈജു )
[ കാള നടക്കും ]



ചോദ്യം 25 : ( എബി )
നാലുപേരുകൂടി ഒരു കോഴിയെ വാങ്ങി കറി വെച്ചു.... പക്ഷേ.. എല്ലാവര്‍ക്കും തിന്നാന്‍ കൊഴീടെ കാലു തന്നെ വേണം... എന്തു ചെയ്യും???
ഉത്തരം 25 : ( എബി )
[ കോഴിക്ക്‌ കള്ളുകൊടുത്ത്‌ പൂസാക്കുക, കോഴി നാലു കാലിലാകുമ്പോല്‍ കറി വയ്ക്കുക ]



ചോദ്യം 26 : ( ഹരീ )
എന്റെ കയ്യിലൊരു ചുവന്ന നിറമടിച്ച കല്ലുണ്ട്. അത് ഞാന്‍ വെള്ളത്തില്‍ മുക്കുന്നു, എന്തു സംഭവിക്കും?
ഉത്തരം 26 : ( സിനില് )
[ നനയും ]



ചോദ്യം 27 : ( എബി )
ജിറാഫിനെ ഫ്രിഡ്ജില്‍ വയ്ക്കാമോ?
ഉത്തരം 27 : ( അജീഷ് )
[ "ഫ്രിഡ്‌ജ് തുറക്കുക്...
ആനയെ വെളിയിലിറക്കുക.....ജിറാഫിനെ ഫിഡ്‌ജിലടക്കുക...... "
]



ചോദ്യം 28 : ( ബൈജു )
"ഒരു കവലയിൽ നെഹ്രുവിന്റേയും ഗാന്ധിയുടേയും ഇന്ദിരാഗാന്ധിയുടേയും പ്രതിമകൾ ഉണ്ട്. അവയിൽ നെഹ്രുവിന്റേയും ഇന്ദിരാഗാന്ധിയുടേയും പ്രതിമയിൽ കാക്കകൾ കാഷ്‌ഠിച്ചിട്ടുണ്ട്. എന്നാൽ ഗാന്ധിയുടെ പ്രതിമയിൽ മാത്രം കാക്കകൾ കാഷ്‌ഠിച്ചിട്ടില്ല..! എന്തായിരിക്കും കാരണം..?
"

ഉത്തരം 28 : ( രാകേഷ് )
[ ഗാന്ധിയുടെ കൈയില്‍ വടി ഉള്ളതു കൊണ്ട് ]



ചോദ്യം 29 : ( രാകേഷ് )
കാട്ടില്‍ കരടികള്‍ സാധാരണ എവിടെയാണ് ഇരിക്കാറുള്ളത്?
ഉത്തരം 29 : ( രാകേഷ് )
[ കരടിക്ക് സൌകര്യം ഉള്ളിടത്തു ഇരിക്കും... അതു നമ്മളാണൊ തീരുമാനിക്കുന്നത്? ]



ചോദ്യം 30 : ( ഹരീ )
"ഒരാപ്പിളിന്റെ ഒരു പകുതിമുറി (അതാ‍യത് പകുതിമുറിച്ചതില്‍ ഒരു ഭാഗം) യോടു സാമ്യമുള്ള മറ്റൊരു സാധനമെന്ത്?
"

ഉത്തരം 30 : ( ബൈജു )
[ ആ ആപ്പിളിന്റെ തന്നെ മറ്റേ മുറി ]



ചോദ്യം 31 : ( ബൈജു )
അപ്പുക്കുട്ടന്റെ അച്ഛന് അഞ്ചുമക്കൾ.. ഒന്നാമൻ യുധിഷ്‌ഠിരൻ, രണ്ടാമൻ ഭീമൻ, മൂന്നാമൻ അർജ്ജുനൻ, നാലാമൻ നകുലൻ... എങ്കിൽ അഞ്ചാമന്റെ പേരെന്ത് ?
ഉത്തരം 31 : ( ഹരീ )
[ അപ്പുക്കുട്ടന്‍ ]



ചോദ്യം 32 : ( ഡാന്റിസ് )
അപ്പൂട്ടന്‍ മാങ്ങ പറിച്ചു. സാവിത്രി മാങ്ങ തിന്നു. ഇപ്പോള്‍ എത്ര മാങ്ങ ഉണ്ട്‌?
ഉത്തരം 32 : ( രാകേഷ് )
[ പത്തില്‍ നിന്നും മൂന്നെണ്ണം പോയാല്‍ ഏഴെണ്ണം ബാക്കിയുണ്ട്... ]



ചോദ്യം 33 : ( എബി )
ഒരിക്കലും കൈയ്യില്‍ ഇടാന്‍ പറ്റാത്ത വള ഏത്‌?
ഉത്തരം 33 : ( ബൈജു )
[ തവള ]



ചോദ്യം 34 : ( ബിന്ധ്യാ )
ആനയും കൊതുകും കല്യാണം കഴിച്ചു, അവര് കൊച്ചിയില് മധുവിധുവിന് പോയി, നേരം വെളുത്തപ്പോഴ് കൊതുക് മരിചുപൊയി, എതാ കാര്യം ?
ഉത്തരം 34 : ( ബൈജു )
[ അവിടെ ആന കൊതുകുതിരി കത്തിച്ചുവെച്ചിരുന്നു ]



ചോദ്യം 35 : ( ബൈജു )
"രാമന് ഒരിക്കൽ കാട്ടിലൂടെ കുറച്ചുദൂരം യാത്രചെയ്യേണ്ടതായി വന്നു.. കുറച്ച് മുമ്പോട്ടുചെന്നപ്പോൾ മുന്നിൽ മുഴുവൻ കുറ്റിക്കാട്..! ഒരടിപോലും മുമ്പോട്ടുവെയ്ക്കാനാകാത്ത അവസ്ഥ.. ഒരായുധം പോലും രാമന്റെ കയ്യിലില്ല.. ആകെയുള്ളത് കയ്യിലുള്ള രണ്ടുകുപ്പി കള്ളുമാത്രം.. രാമൻ എന്തുചെയ്യും ?
"

ഉത്തരം 35 : ( ബൈജു )
[ രാമന്റെ കയ്യിൽ രണ്ടുകുപ്പി കള്ളുണ്ടെന്ന് പറഞ്ഞല്ലോ..? ആദ്യം ആ രണ്ടുകുപ്പി കള്ളും കുടിക്കുക.. എന്നിട്ട് വാളുവെക്കുക.. പിന്നെ ആ വാളുകൊണ്ട് കുറ്റിക്കാടൊക്കെ വെട്ടിത്തെളിച്ച് രാമന് സുഖമായി മുന്നോട്ടുപോകാം ]



ചോദ്യം 36 : ( ബൈജു )
ഇന്ത്യൻ ക്രിക്കറ്റ് ടീമിൽ മുമ്പുണ്ടായിരുന്ന വനിതയുടെ പേര്‌ ?
ഉത്തരം 36 : ( എബി )
[ രവിശാസ്‌ത്രി ]



ചോദ്യം 37 : ( ബിന്ധ്യാ )
എ, ബി, സി, ഡി,......X,Y,Zല് ഏറ്റവും തണുപ്പുള്ളതേതിനാണ്?
ഉത്തരം 37 : ( എബി )
[ ബി (ഏ സി യുടെ നടുക്ക് കിടക്കുന്നതുകൊണ്ട്) ]



ചോദ്യം 38 : ( ബിന്ധ്യാ )
ഒരു കിളി ആകശത്തുകൂടി പറന്ന് പോവുകയായിരുന്നു, അപ്പോള്‍ അതു മുട്ട ഇട്ടു, പക്ഷെ താഴെ വീണില്ല, എന്താ കാര്യം ?
ഉത്തരം 38 : ( ബൈജു )
[ കിളി നിക്കറിട്ടിട്ടുണ്ടായിരുന്നു ]



ചോദ്യം 39 : ( ബിന്ധ്യാ )
മൊണാലിസയ്ക് മുഖത്ത് ഒരു കര്യം ഇല്ലായിരുന്നു. എന്താത്?
ഉത്തരം 39 : ( ബൈജു )
[ പുരികം ]



ചോദ്യം 40 : ( ബിന്ധ്യാ )
"4 ഉറുമ്പുകള്‍ കാട്ടിലൂടെ നടക്കുകയായിരുന്നു. വഴിയില്‍ അവര്‍ ഒരു ആനയെ കണ്ടു, ഒന്നാമന്‍ പറഞ്ഞു നമുക്കിവനെ തട്ടാം എന്ന്, മറ്റു 2 ഉറുമ്പുകളും അതു സമ്മതിച്ചു. എന്നാല്‍ നാലാമന്‍ എന്തോ പറഞ്ഞപ്പോള്‍ അവര്‍ ആനയെ ഒന്നും ചെയ്തില്ല. എന്താണ് നാലാമന്‍ പറഞ്ഞത്?
"

ഉത്തരം 40 : ( സിനില് )
[ "അവന്‍ ഒറ്റയ്ക്കാ.. വിട്ടുകള!!
"
]



ചോദ്യം 41 : ( സിനില് )
പത്തും മൂന്നും കൂട്ടിയാല്‍ പതിനെട്ടു കിട്ടുന്നതെപ്പോള്‍
ഉത്തരം 41 : ( ബൈജു )
[ ഉത്തരം തെറ്റുമ്പോള്‍ ]



ചോദ്യം 42 : ( ബൈജു )
മൂന്ന് ഉറുമ്പുകൾ വരിവരിയായി നടന്നുപോകുന്നു... ഒന്നാമത്തെ ഉറുമ്പുപറഞ്ഞു - “എന്റെ പിറകേ രണ്ട് ഉറുമ്പുകൾ വരുന്നുണ്ട്” .. രണ്ടാമത്തെ ഉറുമ്പുപറഞ്ഞു - “എന്റെ പിറകേ ഒരു ഉറുമ്പ് വരുന്നുണ്ട്”.. മൂന്നാമത്തെ ഉറുമ്പുപറഞ്ഞു - “എന്റെ പിറകേ മൂന്ന് ഉറുമ്പുകൾ വരുന്നുണ്ട്..!!” .. അതെങ്ങിനെ ?
ഉത്തരം 42 : ( ഹരീ )
[ മൂന്നാമത്തെയുറുമ്പ് കള്ളം പറഞ്ഞതാണ് ]



ചോദ്യം 43 : ( ബൈജു )
"ഒരു കറുത്ത വാവുദിവസം.. കറുത്ത കോട്ടിട്ട്, കറുത്ത കൂളിംഗ് ഗ്ലാസും വെച്ച് കറുത്തൊരു മനുഷ്യൻ കറുത്തൊരു കാറിൽ റോഡിലൂടെ ചീറിപ്പാഞ്ഞുപോകുന്നു.. അപ്പോൾ കറുകറുത്തൊരു പൂച്ച റോഡിനുവട്ടം ചാടി (കുറുകെ ചാടി)... പൂച്ച കാറിനേയും കണ്ടു.. കാറോടിച്ച ആൾ പൂച്ചയേയും കണ്ടു..!! ഉടനെ വണ്ടി ബ്രേക്കിട്ട് നിർത്തുകയും ചെയ്‌തു.. ഇതെങ്ങിനെ സാധിച്ചു ?
"

ഉത്തരം 43 : ( സിനില് )
[ കറുത്തവാവു ദിവസം പകലായിരുന്നു സംഭവം നടന്നത് ]



ചോദ്യം 44 : ( ബിന്ധ്യാ )
ഗാന്ധിജിയുടെ മുടി പൊഴിയില്ലാ, എന്താ കാരണം ?
ഉത്തരം 44 : ( ബൈജു )
[ ഗാന്ധിജിയ്‌ക്ക് പൊഴിയാൻ വല്ലതുമുണ്ടായിട്ടുവേണ്ടേ ]



ചോദ്യം 45 : ( ബൈജു )
ഒരിക്കൽ ഉറ്റചങ്ങാതിമാരായ രണ്ട് ആനയും ഒരു ഉറുമ്പും കൂടി ഒരു ബൈക്കിൽ ടിപ്പിൾസ് അടിച്ച് യാത്രചെയ്യുകയായിരുന്നു. ആ ബൈക്ക് ഒരു അപകടത്തിൽ പെട്ടു. രണ്ട് ആനകൾക്കും ഗുരുതരമായ പരിക്കുകൾ ഉണ്ടാ‍യിരുന്നുവെങ്കിലും ഉറുമ്പിന് ഒന്നും പറ്റിയില്ല. എങ്കിലും ആശുപത്രിയിൽ ചെന്നപ്പോൾ രണ്ട് ആ‍നകളും കിടക്കുന്ന കട്ടിലുകൾക്കിടയിലുള്ള കട്ടിലിൽ ഉറുമ്പിനേയും കിടത്തിയിരിക്കുന്നു..!! അതെന്താ അങ്ങിനെ..?
ഉത്തരം 45 : ( രാകേഷ് )
[ രണ്ട് ആനകൾക്കും രക്തം കുറെ വാർന്നുപോയതുകൊണ്ട് അത് കൊടുക്കാനാണ് ഉറുമ്പിനെ അവരുടെ ഇടയിൽ കിടത്തിയിരിക്കുന്നത് ]



ചോദ്യം 46 : ( സിനില് )
"കേരളത്തിലെ ഹൈവേയില്‍ കുടുങ്ങിയ ഒരാള്‍ കാണുന്ന വണ്ടികള്‍കൊക്കെ കൈ കാണിച്ചു കൊണ്ടിരുന്നു!!. കുറെ നേരം കഴിഞ്ഞപ്പോള്‍ ഒരു ലോറിക്കാന്‍ വണ്ടി നിര്‍ത്തി. അപ്പോള്‍ അതിലെ നൈറ്റ് പട്രോളിങ്ങിനുവരുന്ന പോലീസുകാരന്നും നമ്മുടെ യാത്രക്കാരനും ഒരു ചോദ്യം ചോദിച്ചു!!
രണ്ടു പേരോടുമായി ഡ്രൈവര്‍ ഒരു ഉത്തരം അണു പറഞ്ഞത് അതു രണ്ടു പേര്‍ക്കുള്ള മറുപടിയുമായിരുന്നു... എന്തായിരുന്നു അത്?? "

ഉത്തരം 46 : ( ബൈജു )
[ "യാത്രക്കാരൻ വണ്ടിയിൽ കയറിക്കോട്ടെ എന്നു ചോദിച്ചു...
പോലീസുകാരൻ വണ്ടിയിലെന്താണെന്നും ചോദിച്ചു..
രണ്ടിനും ഉത്തരം പറഞ്ഞത് --കയറ്…"
]



ചോദ്യം 47 : ( സിനില് )
ആനയും ഉറുമ്പുകൂടി തലേദിവസമേ തീരുമാനിച്ചു നാളെ അമ്പലത്തില്‍ പോകണമെന്ന്‍. പിറ്റേ ദിവസം അമ്പലത്തിന്റെ ഗോപുരവാതിലിനടുത്തെത്തിയപ്പോള്‍ തന്നെ ആനയ്ക്കുമനസിലായി ഉറുമ്പ് നേരത്തെ വന്നിട്ടുണ്ട് എന്നു!.. എങ്ങനെ മനസിലായി?
ഉത്തരം 47 : ( ബൈജു )
[ ഉറുമ്പിന്റെ ചെരിപ്പ് പുറത്തുകിടപ്പുണ്ടായിരുന്നു ]



ചോദ്യം 48 : ( അജീഷ് )
"വഴിയിലൂടെ നടന്നുവരികയായിരുന്ന ഒരു പെൺകുട്ടിയോട് ഒരാൾ ചോദിച്ചു കുട്ടിയുടെ പേരെന്താ എന്ന്...
അയൽപക്കത്തുള്ള ഒരു ചേച്ചി ചോദിച്ചു കുട്ടിയുടെ വീട്ടിൽ ഇന്നെന്താ കറിയെന്ന്...
രണ്ടിനും കുട്ടി ഒരുത്തരം തന്നെയാണ്‍ പറഞ്ഞത്..എന്താണത്?"

ഉത്തരം 48 : ( ഹരീ )
[ മീനാ ]



ചോദ്യം 49 : ( അജീഷ് )
"ഒരു പോലീസുകാരൻ ചെക്കിങ്ങിനിടയിൽ ഒരു വണ്ടിക്കാരനോട് ചോദിച്ചു
വണ്ടിയിലെന്താ??
എങ്ങോട്ടാ പോകുന്നത്???
രണ്ടിനും ഒരുത്തരം തന്നെയായിരുന്നു...
എന്താണത്?"

ഉത്തരം 49 : ( സിനില് )
[ പാലാ ]



ചോദ്യം 50 : ( എബി )
ഒരു ദിവസം ആനയുടെയും ഉറുമ്പിന്റെയും ബൈക്ക് അപകടത്തില്‍പ്പെട്ടു.... ഉറുമ്പിനു സാരമായി പരിക്കു പറ്റി.... ആശുപത്രിയില്‍ കൊണ്ടുപോയി...ഐ.സി.യു-വില്‍ കിടത്തിയിരിക്കുകയാണ്‌... രക്തം വേണം... ആനയുടെ രക്തം മാത്രമേ ചേരുകയുള്ളൂ.... പക്ഷേ... ആന ഉറുമ്പ്‌ കിടക്കുന്നിടത്ത്‌ കേറാന്‍ തയ്യാറയില്ല..... എന്താണ്‌ കാരണം??
ഉത്തരം 50 : ( സിനില് )
[ "ഐ.സി.യു-വിന്റെ വാതില്‍ക്കല്‍ എഴുതിയിട്ടുണ്ടായിരുന്നു..
'അന്തര്‍ ആന മനാ ഹെ' എന്ന്.

"
]



ചോദ്യം 51 : ( എബി )
ഒരു മരത്തില്‍ മൂന്ന് കിളികള്‍ ഉണ്ടായിരുന്നു...അതില്‍ ഒന്നിനെ വെടിവച്ചു... അപ്പോള്‍ ബാക്കി കിളികള്‍ക്കെന്തു സംഭവിച്ചു...
ഉത്തരം 51 : ( ബിന്ധ്യാ )
[ ഒന്നും സംഭവിച്ചില്ലാ, അവരു പറന്നുപോയി ]


No comments:

ഓര്‍ക്കുട്ട് മലയാളം

കൂട്ടുകാരേ..

നാമെല്ലാം മലയാളം എഴുതുവാനും വായിക്കുവാനും പഠിക്കുന്നുണ്ടെങ്കിലും കാലക്രമേണ മലയാളം ഉപയോഗിക്കാതെയിരുന്ന്‌ എഴുതുവാനും വായിക്കുവാനും മറന്നുപോകുന്ന ഒരു സ്ഥിതിവിശേഷം സംജാതമായിക്കൊണ്ടിരിക്കുന്ന ഈയവസരത്തിൽ മലയാളത്തിൽത്തന്നെ ആശയസംവേദനം സാദ്ധ്യമാകുന്ന ഒരു കമ്മ്യൂണിറ്റി - അതാണ് മലയാളം എന്ന പേരിലുള്ള ഈ കമ്മ്യൂണിറ്റിയുടെ ലക്ഷ്യം. എത്രനന്നായി ആംഗലേയഭാഷ കൈകാര്യം ചെയ്യുന്നവരാണെന്നാലും നാം ചിന്തിക്കുന്നത് നമ്മുടെ മാതൃഭാഷയാ‍യ മലയാളത്തിൽത്തന്നെയല്ലേ..? ആ ചിന്തകളെ അങ്ങനെ തന്നെ പകർത്തുവാൻ മറ്റൊരു ഭാഷയിലേക്കുള്ള തർജ്ജമ ആവശ്യമാണോ..? തീർച്ചയാ‍യും അല്ല. ഇത്തരമൊരു ചിന്തയാണ് ഈ കമ്മ്യൂണിറ്റിയുടെ ഉത്ഭവത്തിനു പിന്നിൽ. നമ്മുടെ അമ്മയായ മലയാളത്തെ, ഒട്ടനവധി ഭാഷകളുമായുള്ള ആദാനപ്രദാനബന്ധങ്ങളാലും തനതായ പദസമ്പത്തിനാലും സമ്പുഷ്‌ടമായ നമ്മുടെ മലയാളത്തെ സ്‌നേഹിക്കുന്ന എല്ലാവർക്കുമായി ‘മലയാള’ത്തെ സമർപ്പിക്കട്ടെ. ചിരിയോടൊപ്പം ചിന്തയുടെയും നുറുങ്ങുകൾ പങ്കിടാനും പച്ചമലയാളത്തിൽത്തന്നെ സല്ലപിക്കുവാനും ഉള്ള മലയാളത്തെ സ്‌നേഹിക്കുന്ന, അമ്മയെ സ്‌നേഹിക്കുന്ന ഏവർക്കും ഈ കൂട്ടായ്‌മയിലേക്ക് സ്വാഗതം..! സന്ദർശകർക്കായുള്ള പേജിലൊഴികെ മറ്റെല്ലായിടത്തും മലയാളത്തിൽ മാത്രം എഴുതുവാൻ ശ്രദ്ധിക്കണമെന്നുമാത്രം.

--